Husn-e-kaafir banaa u'nvaaN mire afsaane kaa

Husn-e-kaafir banaa u'nvaaN mire afsaane kaa
raNg aa hee gayaa Ka'beh meN Sanam-Khaane kaa!

shukriyah! mujh` pe karam aap ke farmaane kaa!
maiN nah aane kaa rahaa aur na kaheeN jaane kaa!

dil voh deevanah k suntaa hee nah th`aa baat koyee
haaYe! manz^ar voh sar-e-bazm bikh`ar jaane kaa!

i'shq meN Th`eek hai begaanah-e-dunyaa honaa
lut^f kuch` aur hai par Khud se guZar jaane kaa! (1)

dil kee dil hee meN rahe baat, yehee hai behtar
:raaz mai-Khaane se baahar nah ho maiKhaane kaa: (2)

maiN ise yooN hee to kehtaa naheeN Hasrat-aabaad
aa,o dekh`o to tamaashah mire veeraane kaa!

Haal-e-dil mujh` se na pooch`o, keh bataaYe kyoN-kar
ik divaanah bh`alaa Gham doosre deevaane kaa?

kyoN a'bac aap ko hai maut kee Khwaahish :Sarwar:?
zindagee naam hai be-maut hee mar jaane kaa!
-----------------------
(1) manzil-e-Gham se guZarnaa to hai aasaaN :Iqbal:
i'shq hai naam Khud apne se guZar jaane kaa (Iqbal Safipuri)

(2) Jigar Muradabadi

غزل