silsilah un se gar naheeN hotaa *

silsialh un se gar naheeN hotaa
ranj shaam-o-saHar naheeN hotaa!

baaKhabr ik jahaaN se rehtaa hai
Khud se jo beKhabar naheeN hotaa

meree baatoN kaa aap ke oopar
kyoN Zaraa bh`ee acar naheeN hotaa?

i'shq baiTh`e biTh`aaYe hotaa hai
i'shq kuch` soch kar naheeN hotaa

jis ko Khauf-e-Khudaa rahe har dam
us ko dunyaa kaa Dar naheeN hotaa

jo nah mansoob teree yaad se ho
gh`ar ho woh laakh`, gh`ar naheeN hotaa

baat hotee hai mo'tabar, logo!
aadamee mo'tabar naheeN hotaa

i'shq hai qoh balaaYe jaaN "Sarwar"!
jis meN kuch` kaargar naheeN hotaa

غزل