i'shq ko mo'jizah samajh` te ho?

i'shq ko mo'jizah samajh` te ho?
naa-Khudaa ko Khudaa samajh`te ho?

zindagee dh`oop-ch`aa,oN kaa hai kh`el
tum ise aur kyaa samajh`te ho?

tum ko us kee du,a'a nah lag jaaYe
kyoN use be-vafaa samajh`te ho?

SaaHibo! Kuchh` Khudaa kaa Khauf karo
Husn ko aashnaa samajh`te ho?

sab tumhare kiYe kaa HaaSil hai
jo Khudaa kee raZ^aa samajh`te ho!

tum se koyee buraa naheeN :Sarwar:
kyoN kisee ko buraa samajh`te ho?

jaan kar ban gaYe ho an-jaane
aur sab mudd,a'a samajh`te ho!

pehle dunyaa se dil lagaate ho
ph`ir use baa-vafaa samajh`te ho!

Khud-saree aur is qadar :Sarwar:?
aaKhir apne ko kyaa samajh`te ho?

غزل