rasan yeh kyoN hai, bataa,o yeh daar kaisaa hai?

rasan yeh kyoN hai, bataa,o ye daar kaisaa hai?
yeh ihtimaam sar-e-koo-e-yaar kaisaa hai?

tiree jafaa peh mujh`e e'tibaar kaisaa hai?
guloN se raabit^ah-e-nok-e-Khaar kaisaa hai?

kahaaN gaYe woh zamaane, woh KhalwateN, woh lut^f?
naz^ar churaanaa sar-e-rehguzaar kaisaa hai?

Khayaal-o-fikr baGhaawat peh kyoN haiN aamaadah?
mire wujood meN yeh iZ^t^iraar kaisaa hai?

maiN apnee Zaat se baahar hooN raaNdah-e-dargaah
ph`ir aaKhir us kaa mujh`e intiz^aar kaisaa hai?

Sabaa! bataa yeh Zaraa too kahaaN se aayee hai?
KhizaaN meN aaj yeh raNg-e-bahaar kaisaa hai?

jahaaN peh hosh uRe haiN wahaaN kee kuch` to kaho
hamaare ba'd woh shehr-e-nigaar kaisaa hai?

Khalish yehee hai pas-e-laZZat-e-Khud-aagaahee
miree Khudee meN nihaaN a'ks-e-yaar kaisaa hai?

fareb-Khurdah-e-Husn-e-KhulooS hooN warnah
KhizaaN-gazeedah yaqeen-e-bahaar kaisaa hai?

wohee Khayaal, wohee aarzoo, wohee Hasrat
tujh`e yeh rog dil-e-saugawaar! kaisaa hai?

kahaaN gayaa woh tiraa shauq-e-bazm-aaraayee?
tiree Ghazal kaa woh "Sarwar"! waqaar kaisaa hai?

غزل