saudaa Khudee kaa th`aa nah hameN beKhudee kaa th`aa

saudaa Khudee kaa th`aa, nah hameN beKhudee kaa th`aa
saaraa fareb kashmakash-e-aagahee kaa th`aa!

meree wafaa kaa th`aa, nah tiree be-ruKhee kaa th`aa
qiSSah jo th`aa woh fikr kee bechaaragee kaa th`aa

ham mut^ma,in th`e ho ke shareek-e-Gham-e-jahaaN
aur ud ko Gham jo th`aa woh hamaaree Khushee kaa th`aa!

aalaam-e-rozgaar se Gham-haaYe-i'shq tak
th`aa marHalah jo zeest meN Hairaanagee kaa th`aa!

yooN bh`ee huwaa hai dost! sar-e-bazm-e-aarzoo
eHsaas th`aa agar to woh Khud meN kamee kaa th`aa

fikr-e-wiSaal, yaad-e-butaaN, ranj-e-aarzoo
jaise ijaarah Zaat peh meree sabh`ee kaa th`aa!

suntaa jo koyee :gosh-e-Haqeeqat-niyosh: se
meHfil meN shor-e-Hashr miree Khaamshee kaa th`aa

ik e'tibaar-e-jaur th`aa so woh bh`ee uTh` gayaa
kab e'tibaar ham ko tiree dostee kaa th`aa/

jis ajnabee ne ham ko tamaashah banaa diyaa
kyoN dil ko e'tibaar usee ajnabee kaa th`aa?

too imtiHaan-e-manzil-e-Hairaanagee nah pooch`
kis ko dimaaGh apnee hee pardah-daee kaa th`aa

raah-e-wafaa meN luT gayaa aaKhir woh kis t^araH
"Sarwar" jo zo'm aap ko farzaanagee kaa th`aa?

غزل