ham to is a'ashiqee se baaz aaYe

ham to is a'ashiqee se baaz aaYe
dil diyaa aur de ke pach`taaYe

zindagee Khud hee apnee hai tafseer
ik Haqeeqat, hazaar haiN saaYe!

aashnaaye kee baat karte ho?
aashnaa ban ke koyee dikh`laaYe!

Khud-numaayee see Khud-numaayee hai?
:jab taSavvur kiyaa, chale aaYe!:

maiN bh`ee deevaanah, dil bh`ee deevaanah
kaun samjh`aaYe, kis ko samjh`aaYe?

be-Khudee meN Khudee hai posheedah
hosh kh`oye jo, Khud ko voh paaYe!

zindagee ho balaa se apnee tabaah
kaun is bevafaa kaa Gham khaaYe!

teree taqdeer hai yehee :Sarwar:
Soorat-e-shama' Khaak ho jaaYe

غزل