Ghazals | غزلیں


English اردو


koyee Soorat qaraar kee nah rahee *
koyee Soorat qaraar kee nah rahee
Gham to Gham hai, Khushee Khushee nah rahee!

dushmanee dushmanoN se kyaa karte?
dostoN se bh`ee dostee nah rahee!

Harf-e-mat^lab zabaaN pah kyaa aayaa
ph`ir woh pehlee see baat hee nah rahee!

kaam apnaa yooN hee tamaam huwaa
woh jo tujh` se umeed th`ee nah rahee

aah! be-chaaragee muHabbat kee
zindagee meN bh`ee zindagee nah rahee

lut^f aane lagaa hai rone meN
ab lagee dil kee dil-lagee nah rahee!

miT gayaa farq kufr-o-eemaaN kaa
Ghaflat-aamez aagahee nah rahee!

a'jizee, ashk. be-basee "Sarwar"
teree Haalt meN kuch` kamee nah rahee!