kyaa qiyaamat th`ee, kyaa qiyaamat th`ee! *

kyaa qiyaamat th`ee, kyaa qiyaamat th`ee!
SaaHebo! ham ko jab muHabbat th`ee

sarzanish ke liYe hee aa jaate!
aap ko is meN kyaa qabaaHat th`ee?

hosh aayaa to yeh huwaa ma'loom
be-Khudee kis qadar Ghaneemat th`ee!

Gham ne majboor kar diyaa warnah
baat sun,ne kee kis ko furSat th`ee?

waqt-e-aaKhir jo aap aaYe haiN
aaKhir is kee bh`ee kyaa Z^aroorat th`ee?

baRh` gayee aur jitnee Sarf huyee
yaad us kee a'jeeb daulat th`ee!

waqt-e-ruKhSat jo aaNkh` bh`ar aayee
woh bh`ee ik Soorat-e-i'baadat th`ee!

she'r "Sarwar" ke kuch` bure to nah th`e
saadagee un meN th`ee, Halaawat th`ee!

غزل