Gham mile, Hasrat mile, ruswaayee-e-bejaa mile *

Gham mile, Hasrat mile, ruswaayee-e-bejaa mile
dekh`iYe is i'shq meN naam-e-Khudaa kyaa kyaa mile!

kitne be-gaane badal kar bhes apnoN kaa mile
kyaa patah kab kaun apnaa ban ke begaanaa mile!

aarzoo jab miT gayee, i'rfaan-e-ulfat ho gayaa
ret motee ban gayee, SeHraa meN bh`ee daaryaa mile

doosroN kaa Zikr kaisaa aur kyaa apnaa bh`aram?
jis t^araf dekh`ooN hooN maiN daryaa wohee sookh`aa mile

a'ql-o-dil kee is kashaa-kash ne Duboyaa hai hameN
yeh kahe aisaa mile, aur woh kahe waisaa mile

bas yehee Hasrat rahee har dam daleel-e-zindagee
jo mile tujh` se mile, jitnaa mile, jaisaa mile

be-kasee meN kh`ul gayaa yooN aaj sooraj kaa bh`aram
maiN jidh`ar jaa,ooN waheeN deewaar-e-be-saayaa mile

miT gayaa "Sarwar" isee Hasrat meN hai! hai! dekh`iYe
manzil-e-Gham meN koyee apnaa saa deewaanaa mile

غزل