ai dil! tiree qismat meN raaHat na shakebaayee *

ai dil! tiree qismat meN raaHat nah shakebaayee
shoreedah-saree apnee aayee to yeh kaam aayee!

Z^abt^-e-Gham-e-ulfat par naazaaN hooN bohat lekin
jab yaad tiree aayee wallaah! bohat aayee

itnaa to Zaraa kahiYe is jurm-e-muHabbat meN
kuch` aap ko apnee bh`ee taqSeer naz^ar aayee?

seekh`e haiN qiyaamat ke andaaz kahaaN tum ne?
ik aan tamaashah ho, ik aan tamaashaayee!

ikraam-e-muHabbat meN Th`ukraa diyaa dunyaa ko
yeh kaisee tamannaa hai aur kaisaa tamannaayee?

dekh`e to koyee shauq-e-Khud-beenee-e-fit^rat ko
yeh Z^abt^-e-chaman-bandee, yeh anjuman-aaraayee!

Khud apnee Haqeeqat par afsos huwaa ham ko
aa,eenah-e-hastee meN Soorat jo naz^ar aayee

"Sarwar" kee Khamoshee par woh haNs ke yeh kehte haiN
:deewaanah hai deewaanah! saudaayee hai saudaayee!:

غزل