Ghazals | غزلیں


English اردو


shikwah-e-daad kareN, shikwah-e-bedaad kareN *
shiwah-e-daad kareN, shikwah-e-bedaad kareN
zindagee kaise basar O sitam-eejaad! kareN?

maatam-e-Qais kareN, nauHah-e-Farhaad kareN
aa,o! yooN is del-e-barbaad ko aabaad kareN!

kuch` to HaaSil hai Gham-e-i'shq se warnah yaaro!
furSat-e-yak-nafas aur is t^arah barbaad kareN?

hamdam-o-mushfiq-o-hamraaz haiN mere asha'ar
Gham bh`ulaaYeN, alam-o-fikr se aazaad kareN

be-ruKhee meN ho agar raNg-e-muHabbat shaamil
bh`ool jaaYeN to kise aur kise yaad kareN?

i'shq majboor idh`ar, Husn balaa-Khez udh`ar!
too hee batlaa tiraa kyaa ai dil-e-naashaad! kareN?

Khud-shanaasee se kh`ule raaz kuch` aise ham par
ek hee baat hai, bh`ooleN keh use yaad kareN!

shikwah-bar-lab nah ho! is ko bh`ee Ghaneemat samjh`o!
log "Sarwar"! tumheN bh`oole se bh`ee gar yaad kareN