qiyaamat ho, museebat ho, balaa ho *

qiyaamat ho, muSeebat ho, balaa ho!
tumhaare dam se ho chaahe qaZ^aa ho

adaa-e-beniyaazee us kee, taubah!
Khudaa-naa-Khwaastah jaise Khudaa ho!

isee kaa naam shaayad dostee hai
wafaa ke naam par jaur-o-jafaa ho

guZaaree HasratoN meN zindagaanee
dil-e-dard-aashnaa! teraa bh`alaa ho!

sataaYe kyaa use fikr-e-do-a'alam?
tumhaaraa Gham jise raas aa gayaa ho

mire hamdam! yeh koyee zindagee hai?
jahaaN har saaNs jeene kee sazaa ho

nah socho kyaa Haqeeqat hai hamaaree
yeh dekh`o tum hamaare dil meN kyaa ho!

bajaa hai naaz aise dil peh "Sarwar"
shikastah jo ho aur dard-aashnaa ho!

غزل