kisee lee justjoo hai aur maiN hooN *

kisee kee justjoo hai aur maiN hooN!
Hijaab-e-raNg-o-boo hai aur maiN hooN!

nigaah-e-sharmgeeN hai aur too hai
bayaan-e-aarzoo hai aur maiN hooN!

mataa'-e-zindagee th`oRee hai meree
yehee ik aabroo hai aur maiN hooN!

tumheN maiKhaanah-e-hastee mubaarak!
miraa TooTaa suboo hai aur maiN hooN!

Khudaayaa! beniyaaz-e-aarzoo kar
yehee ik aarzoo hai aur maiN hooN!

maiN kis manzil pah aaKhir aa gayaa hooN?
yahaaN bas too hee too hai aur maiN hooN!

mujh`e yooN raas aayee Khud-shanaasee
Khudaa se guftgoo hai aur maiN hooN!

mujh`e fikr-e-do-a'alam kyoN ho "Sarwar"?
woh mere roo-baroo hai aur maiN hooN!

غزل