yooN aaftaab-e-shauq shab-e-Gham meN Dh'al gayaa **

yooN aaftaab-e-shauq shab-e-Gham meN Dh`al gayaa
jaise shabaab door se ho kar nikal gayaa

dil soz-e-a'ashiqee se sar-e-shaam jal gayaa
th`aa zindagee meN ek hee kaaNTaa, nikal gayaa

tum aaYe th`e to ek zamaanah th`aa saazgaar
tum kyaa gaYe keh ek zamaanah badal gayaa

kyoN har sawaal meraa sawaal-e-Ghalat^ huwaa
kyoN har jawaab teraa siyaasat meN Dh`al gayaa

ham shehr-e-aarzoo meN bh`aTakte ph`iraa kiYe
dil th`aa hamaaraa ek hee naadaaN, bahal gayaa

Haalat peh meree ahl-e-Khirad is qadar haNse
jitnaa th`aa un kaa shauq-e-tamaashah nikal gayaa

:ai dost! aa bh`ee jaa keh maiN taSdeeq kar sakooN:
sab keh rahe haiN mausam-e-hijraaN badal gayaa

akcar yeh sochtaa hooN magar jaantaa naheeN
guZree tamaam u'mr keh bas ek pal gayaa

"Sarwar"! tire KhulooS-o-muHabbat kaa kyaa kareN
sikkah hee ik nayaa sar-e-baazaar chal gayaa!

غزل