aap aaYeN shab-e-Gham itnaa bh`ee eHsaaN kyoN ho? **

aap aaYeN shab-e-Gham itnaa bh`ee eHsaaN kyoN ho?
zindagee saKht kaTee, maut bh`ee aasaaN kyoN ho?

kis liYe shikwah-e-Gham, shikwah-e-hijraaN kyoN ho?
koyee Khud apne kiYe par yooN pashemaaN kyoN ho?

maiN hooN parwardah-e-aashob-e-zamaanah ai dost!
mujh` ko fikr-o-Gham-e-anjaam-e-gulistaaN kyoN ho?

manzil-e-i'shq meN pehlaa hee qadam hai shaayad
warnah aadaab-e-muHabbat se gureZaaN kyoN ho?

yeh kaho jaatee bahaaroN ne jinheN looT liyaa
ab unheN paas-e-taqaaZ^aa-e-bahaaraaN kyoN ho?

naam gar tark-e-ta,a'lluq hai isee kaa ai dost!
yeh bataa,o keh miree zeest kaa u'nwaaN kyoN ho?

kyaa tamaashah hai, muHabbat ke ameeN pooch`te haiN
waaqia' kyaa huwaa, yooN aaj pareshaaN kyoN ho?

too ne kab ham ko zamaaneh meN kaheeN kaa rakkh`aa?
paas teraa hameN ai gardish-e-dauraaN! kyoN ho?

haaYe! kis saadagee-e-dil se woh yeh pooch`te haiN
yeh to z^aahir hai pareshaaN ho, magar haaN! kyoN ho?

zindagee hai to guZar jaaYeN ge "Sarwar" yeh din
as gadar taNgee-e-Haalat se pareshaaN kyoN ho?

غزل