zamaaneh meN koyee tum saa naheeN hai **

zamaaneh meN koyee tum saa naheeN hai
Haqeeqat hai, yeh afsaanah naheeN hai!

muHabbat kyaa hai tum ko kyaa bataa,Yen
tumheeN keh do muHabbat kyaa naheeN hai?

hamaaraa kaish, kaish-e-a'ashiqee hai
hameN anjaam kee parwaa naheeN hai!

taqaaZ^aa-e-muHabbat hai Khamoshee
magar ab Z^abt^ kaa yaaraa naheeN hai

bh`alaa ho gardish-e-dauraaN kaa hamdam!
muHabbat kaa kaheeN charchaa naheeN hai

uTh`aa kartee hai dil meN hook akcar
Khudaa ma'loom kyaa hai, kyaa naheeN hai!

bohat bejaa hai maiN keh dooN agar kuch`
jo tum keh do to woh bejaa naheeN hai?

yeh kaisee bazm-e-hastee hai ilaahee?
yayaaN to koyee bh`ee apnaa naheeN hai!

hamaaraa z^arf hee ch`oTaa hai "Sarwar"
nigaah-e-naaz fitnah-zaa naheeN hai!

غزل