tumhaare din ke saamne bh`alaa hamaaree raat kyaa? **

tumhaare din ke saamne bh`alaa hamaaree raat kyaa?
tumhaaree baat baat hai, hamaaree baat baat kyaa?

tumheeN se kaa,inaat hai, agar kahooN to hai Ghalat^
tumheeN to kaa,inaat ho, naheeN to kaa,inaat kyaa?

Hayaat-e-musta,a'ar kaa maiN e'tibaar kyaa karooN?
Hayaat to Ghubaar hai! Ghubaar ko cabaat kyaa?

tumhaaree be-ruKhee se dil, nah hove kaisee muZ^maHil?
yehee to ek baat hai, naheeN to aur baat kyaa?

tumheN Khabar naheeN hai kyaa keh dil pah kyaa guZar gayee?
bataaYeN kyaa mu,a'amilah, sunaaYeN waaqia'at kyaa?

Zaraa Zaraa see baat par yeh teree bad-gumaaniyaaN?
woh raah-o-rasm kyaa huyee, huYe ta,a'lluqaat kyaa?

nah aarzoo hai ab koyee, nah HasratoN se kaam hai
guZar gayee hai a'ashiqee meN dil pah waardaat kyaa!

mataa'-e-dil agar gayee to aisaa kyaa huwaa GhaZ^ab?
huwe naheeN haiN zindagee meN aise Haadicaat kyaa?

kaho jo raat raat hai, jo din kaho to hai yeh din
hamaaraa din hai din koyee, hamaaree raat raar kyaa!

bataa,o "Sarwar"-e-HazeeN! tumheN sukoon kyoN naheeN?
kaTee kisee kee yaad meN tumhaaree saaree raat kyaa?

غزل