kis saadagee se ham tire Sadqe utar gaYe! **

kis saadagee se ham tire Sadqe utar gaYe!
ai zeest! teree chaah meN be-maut mar gaYe

ham log yooN baland tiraa naam kar gaYe
kuch` ban sakaa nah aur to jaaN se guZar gaYe!

ham zindagee kaa qarZ^ adaa aise kar gaYe
aashuftah-jaan aaYe th`e, aashuftah-sar gaYe!

Khud peh hai iKhtiyaar nah hee dil pah iKhtiyaar
janaa nah chaahiYe th`aa jahaaN, ham udh`ar gaYe

Hasrat rahee keh ham kaheN aur tum sunaa karo
aanaa hai yeh koyee, idh`ar aaYe, udh`ar gaYe?

yooN kh`o gaYe haiN tujh` meN keh Hairaanagee se ham
har ik se pooch`te haiN keh aaKhir kidh`ar gaYe?

kyaa aab aab dekh`ee naheeN chashm-e-zindagee?
kehtaa hai kaun ashk mire be-acar gaYe?

:is se ziyaadah Haajat-e-sharH-o-bayaaN naheeN:
ham baa-umeed aaYe th`e, baa-chashm-e-tar gaYe

dunyaa kee uljh`aneN raheeN apnee jagah to kyaa?
shukr-e-Khudaa! tumhaare to gesoo saNwar gaYe!

"Sarwar"! kaho keh kaavish-e-dunyaa se kyaa milaa?
tum aaYe be-Khabar yahaaN aur be-Khabar gaYe!

غزل