ham nah Ka'beh se haiN waabastah, nah but-Khaane se **

ham nah Ka'beh se haiN waabastah, nah but-Khaane se
jo bh`ee nisbat hai woh hai dil ke hee weeraane se!

kaun see baat nayee hai jo maiN ummeed karooN?
dil ne pehle bh`ee kabh`ee maanaa hai samjh`aane se?

yooN rahe shaam-o-seHar meHv-e-talaash-e-Ka'bah
maikadeh meN ruke, nikle jo Sanam-Khaane se

aaj kuch` aisee nayee to naheeN Haalat meree
aap kyoN bante haiN yooN jaan ke anjaane se?

dukh` miraa koyee nayaa ho to kahooN dunyaa se
dard kaa rishtah hai kab kaa mire afsaane se!

tujh` ko ma'loom hai kyaa Haal th`aa aane se tire?
dekh` kyaa Haal hai ab tere chale jaane se!

be-Khudee i'shq meN is darjah mujh`e raas aayee
hosh uRte haiN mire, hosh kaa naam aane se!

Gham hee aaGhaaz-e-wafaa, Gham hee hai anjaam-e-junooN
raaz ham pah yeh kh`ulaa i'shq meN Gham kh`aane se!

raNg badlaa naz^ar aataa hai tiree meHfil kaa
kyaa balaa-nosh koyee uTh` gayaa mai-Khaane se?

Haal "Sarwar" kaa to pehle bh`ee kahaaN achh`aa th`aa?
ho gaYe i'shq meN kuch` aur bh`ee deewaane se!

غزل