maaHaul saazgaar, fiZ^aa Khushgawaar hai **

maaHul saazgaar, fiZ^aa Khushgawaar hai
ai dost! aa bh`ee jaa, tujh`e kyaa intiz^aar hai?

meraa girebaaN, Khair, agar taar-taar hai!
apnee Khabar bh`ee kuch` tujh`e daamaan-e-yaar! hai?

eHsaan kis qadar tiraa shehr-e-nigaar! hai
maiN hooN, junooN hai, laZZat-e-saNg-e-hazaar hai

yaad-e-shabaab, yaad-e-junooN, yaad-e-aarzoo!
ab hai to zindagee kee inheeN par madaar hai

kam-baKht dil hee meraa naheeN iKhtiyaar meN
kehne ko dil kaa Khud pah bohat iKhtiyaar hai!

guZree hai dh`oop is pah hazaaroN Khizaa,oN kee
shaa,istah-e-KhizaaN hai to meree bahaar hai!

kehte haiN Sabr ko woh taqaaZ^aa-e-zindagee
aur zindagee ko pooch`iYe to Khud hee baar hai!

kis jee se dil ko maiN bh`alaa ilzaam-e-i'shq dooN?
woh Khud hee apnee a'adatoN pah sharmsaar hai

kyaa aur koyee dil-jalaa tujh` ko naheeN milaa?
parKhaash kyoN mujh`ee se Gham-e-rozgaar! hai?

"Sarwar"! nah ho Gham-e-shab-e-furqat se taNgdil
naam-e-Khudaa yeh Gham hee to ik Gham-gusaar hai!

غزل