Ghazals | غزلیں


English اردو


u'mr bh`ar royaa kiYe naa-kaamiyaaN dekh`aa kiYe**
u'mr bh`ar roYaa kiYe, naa-kaamiyaaN dekh`aa kiYe
kaisee kaisee i'shq meN ruswaa,iyaaN dekh`aa kiYe!

apnee majbooree, tiree ra'naa,iyaaN dekh`aa kiYe
ham zameeN waale faraaz-e-aasmaaN dekh`aa kiYe

ek dunyaa muntaz^ir th`ee inqilaab-e-dehr kee
ek ham hee th`e tiree aNgRaa,iyaaN dekh`aa kiYe!

ashk-e-Gham Tapkaa kiYe bechaaragee se aur ham
daaman-e-ummeed kee nai-raNgiyaaN dekh`aa kiYe

yeh naheeN dekh`aa kisee ne ranj-o-Gham hai kis liYe
ahl-e-dunyaa Sirf andaaz-e-fuGhaaN dekh`aa kiYe

log Haalat ko hamaaree dekh` kar haNste rahe
aur ham teree t^araf ai jaan-e-jaaN! dekh`aa kiye

mo'jizah hai yeh keh hai deewaanagee ham kyaa kaheN!
woh naz^ar aaYe waheeN par ham jahaaN dekh`aa kiYe

koyee din jaataa hai meHfil meN bikh`ar jaa,ooN gaa maiN
aap gar meree t^araf yooN hee wahaaN dekh`aa kiYe

dekh`ne kee cheez haiN ahl-e-Khirad kee kaavisheN
i'shq meN yeh Khush-gumaaN, sood-o-ziyaaN dekh`aa kiYe!

she'r maeN "Sarwar" ke Haal-e-dard-e-dil th`aa aur log
bandisheN parkh`aa kiYe, t^arz-e-bayaaN dekh`aa kiYe!