kahaaN se aa gaYe tum ko nah jaane

kahaaN se aa gaYe tum ko nah jaane
bahaane, aur ph`ir aise bahaane!

koyee yeh baat maane yaa nah maane
mujh`e dh`okaa diyaa mere Khudaa ne!

zamaanah kyaa bohat kaafee naheeN th`aa?
jo tum aaye ho mujh` ko aazmaane?

laboN per muhr-e-Khaamoshee lagee hai
diloN meN band haiN kitne fasaane!

nah maut apnee, nah apnee zindagee hai
magar Heele vohee haiN sab puraane!

zamaane ne lagaayee aisee Th`okar
hamaare hosh aaYe haiN Th`ikaane!

kahaaN tak tum karo ge fikr-e-dunyaa?
chale aa,o kabh`ee tum bh`ee manaane!

havaa-e-naa-muraadee! tere Sadqeh!
bahaar apnee nah apne aashyaane

yeh dunyaa! be-wafaa, be-mehr dunyaa!
yeh roz-o-shab, yeh us ke taane-baane

judaa sab se miraa Zauq-e-t^alab hai
nah shor-e-giryah, nay aah-o-fuGHaane!

nah voh saaqee, nah voh mai-Khaanah baaqee
kahaaN aaKhir gaye agle zamaane?

Zaraa dekho keh Dar ke bijliyoN se
jalaa Daale Khud apne aashyaane!

mileN ge ek din :Sarwar: se jaa kar
agar taufeeq dee ham ko Khudaa ne!

غزل