Soorat-e-zaKhm-e-dil-o-dard-e-jigar aataa hai

Soorat-e-zaKhm-e-dil-o-dard-e-jigar aataa hai
woh mire paas ba-andaaz-e-digar aataa hai!

dil sar-e-bazm-e-Khudee Khaak-ba-sar aataa hai!
SubH kaa bh`oolaa huwaa shaam ko gh`ar aataa hai!

yeh bataa de woh tiree yaad kaa jh`oNkaa to naheeN?
gul-ba-daamaaN jo sar-e-shaam-o-saHar aataa hai

zindagee beet gayee shikwah-e-hijraaN karte
dekh`iYe kab hameN jeenee kaa hunar aataa hai!

SubH se dil ko yeh dhaRkaa saa lagaa rehtaa hai
naamah-bar dekh`iYe kyaa le ke Khabar aataa hai

manzil-e-Gham meN mujh`e itne huwe haiN dh`oke
tujh` se ab aaNkh milaate huwe Dar aataa hai!

be-Khudee ban gayee tamheed Khud-aagaahee kee!
ek muddat meN yeh andaaz-e-naz^ar aataa hai!

"Sarwar" itnaa bh`ee too Haalaat se maayoos nah ho
aate aate hee du,a'aoN meN acar aataa hai!

غزل