Ghazals | غزلیں


English اردو


jo kam-naSeebee kaa apnee Khayaal aataa hai
jo kam-naSeebee kaa apnee Khayaal aataa hai
zabaaN peh behr-e-Khudaa ik savaal aataa hai!

nah jaane kaun see manzil peh jaa lagee hastee
sukooN ke naam peh ham ko malaal aataa hai!

Khabar karo miree afsurdah aarzoo,oN ko
voh aaj naazish-e-Husn-o-jamaal aataa hai!

shab-e-siyah ko miree deejiYe naveed-e-saHar
sunaa hai aap ko yeh bh`ee kamaal aataa hai!

rahaa na laZZat-e-furqat se ab koyee maanoos
jise bh`ee dekh`iYe behr-e-viSaal aataa hai!

Khudaa hee va'dah-e-fardaa kee tere Khair kare!
hamaare dil meN yooN-hee iHtimaal aataa hai!

javaab jiss kaa ho aisaa keh laajavaab kare
hamaare lab peh vohee kyoN savaal aataa hai?

bisaat^-e-bazm saje, shama'-e-anjuman jaage!
Khushaa! keh :Sarwar:-e-sheereeN-miqaal aataa hai!