kashaakash-e-Gham-e-hastee sataaYe kyaa kahiYe

kashaakash-e-Gham-e-hastee sataaYe, kyaa kahiYe!
ph`ir us peh soz-e-durooN dil jalaaYe, kyaa kahiYe!

KhulooSe-e-lut^f ko DhooNDaa kiYe zamaaneh meN
chale jahaaN se waheeN lauT aaYe, kyaa kahiYe!

woh paas reh ke rahe door, ik karishmah hai!
woh door reh ke magar paas aaYe, kyaa kahiYe!

saNbh`al saNbh`al ke chale soo-e-dair go maikash
qadam kuch` aise magar laRkh`aRaaYe, kyaa kahiYe!

koyee Hareef-e-Gham-e-zindagee naheeN dekh`aa
Hareef yooN to bohat aazmaaYe, kyaa kahiYe!

yooN aaftaab ch`upaa shaam-e-Gham kee chaadar meN
keh jaise nabZ^ koyee Doob jaaYe, kyaa kahiye!

hameN yeh Z^id keh sawaal-e-t^alab naheeN karte
unheN ye Z^id keh yeh Khaalee hee jaaYe, kyaa kahiYe!

koyee bataaYe keh andaaz-e-Husn-e-Khwaabeedah
bh`ulaane par bh`ee agar yaad aaYe, kyaa kahiYe?

laraz rahaa hai guhar-taab dil sar-e-mizhgaaN
sitaarah-e-saHaree jh`ilmilaaYe, kyaa kahiYe!

Hikaayat-e-Haram-o-dair Khoob hai "Sarwar"
magar yeh shaam-o-saHar haaYe-haaYe! kyaa kahiYe!

غزل