English اردو
Hayaat maut kaa hee ek shaaKhsaanah lage
Hayaat maut kaa hee ek shaaKhsaanah lagehameN Khud apnee Haqeeqat bh`ee ik fasaanah lage
gumaan, aagahee, too, maiN, umeed, naumeedee
hameN sabh`ee Gham-e-hastee kaa kaaKhaanah lage
jo dard hai woh tire qurb kee nishaanee hai
jo saaNs hai woh tiree yaad kaa bahaanah lage
pare hai sarHad-e-idraak se wujood tiraa
agar maiN sochooN tujh`e mujh` ko ik zamaanah lage
yeh meree aarzoo-mandee! yeh meree meHroomee!
Khudaa Khudaa to rahe par Khudaa Khudaa nah lage
Khudee ne kh`ol diYe raaz-e-beKhudee ham par
qadam qadam peh hameN teraa aastaanah lage
woh teree yaad kee Khushboo, umeed kee aahaT
samand-e-shauq ko goyaa keh taazyaanah lage
zamaanah tujh` ko Khirad-mand laakh` gardaane
magar hameN to ai "Sarwar"! too ik diwaanah lage!
غزل

