aa,o jeene kaa ihtimaam kareN

aa,o jeene kaa ihtimaam kareN
qiSSah-e-zindagee tamaam kareN

ahl-e-dunyaa Zaraa yeh kaam kareN
rasm-e-ulfat jahaaN meN a'am kareN

jo bahaaroN se pyaar karte haiN
voh KhizaaN kaa bh`ee iHtiraam kareN

fikr-e-dunyaa vabaal-e-jaan huyee
door se ab use salaam kareN

raah lag jaaYeN saare ahl-e-Khirad
ahl-e-dil ko agar imaam kareN!

aap udh`ar Khush raheN, idh`ar ham Khush
kaash aisaa kuch` intizaam kareN

saKht mushkil hai zindagee karnaa
soch kar yeh Khayaal-e-Khaam kareN!

Khud-sitaayee ko ch`oR kar :Sarwar:
Khud-shanaasee kaa iltizaam kareN!

غزل