daastaan-e-shauq le kar naamah-bar aayaa to kyaa?

daastaan-e-shauq le kar naamah-bar aayaa to kyaa?
aah! ab meree duaa,oN meN acar aayaa to kyaa?

aik bh`ee naqsh-e-qadam meraa kaheeN baaqee naheeN
manzil-e-hastee se Khastah-paa guZar aayaa to kyaa?

i'shq kee jalvah-t^araazee per tujh`e Hairat hai kyoN?
aayeene meN ph`ir miraa chehraa naz^ar aayaa to kyaa?

maiN tamaashah-gaah-e-a'alam meN tamaashaayee rahaa
yooN to kehne ko tamaam ik u'mr kar aayaa to kyaa?

kaT gayee saaree javaanee Hasrat-o-ummeed meN
vaqt-e-aaKhir ham ko jeene kaa hunar aayaa to kyaa?

raat kaaTee shama'-e-Gham ke aaNsoo,oN ko poNch`te
aaKhir-e-shab muzhdah-e-raNg-e-saHar aayaa to kyaa?

u'mr bh`ar meree vafaa kaa qadrdaaN koyee na th`aa
uTh` gayaa meHfil se jab, ph`ir deedahvar aayaa to kyaa?

aur kyaa anjaam hotaa :Sarwar:-e-marHoom kaa?
subH kaa bh`oolaa huwaa th`aa, shaam gh`ar aayaa to kyaa?

غزل