laakh`oN sitam uTh`aaYe, hazaaroN hee Gham huYe

laakh`oN sitam uTh`aaYe, hazaaroN hee Gham huYe
tab jaa ke aashnaa-e-rumooz-e-alam huYe

ham ahl-e-dil haiN vaaqif-e-asraar-e-kaa,inaat
jaam-e-sifaal-e-i'shq hameN jaam-e-Jam huYe

:dunyaa hamaare Haal kee jooyaa hai kis liye?:
kab us kee veHshatoN ke t^alabgaar ham huYe?

aatee hai yaad laZZat-e-Gham-haaYe-aarzoo
kehne ko Gham hazaar huYe ph`ir bh`ee kam huYe

pehle zamaanah Sirf Hareef-e-zabaan th`aa
ph`ir yooN huwaa keh haath` bh`ee apne qalam huYe

Allah re ahl-e-dehr kee jaadoo-bayaaniyaaN!
jitne th`e jurm mere hee Haq meN raqam huYe

aagaah Khud se kyaa huwe aazaad ho gaYe!
yooN beniyaaz-e-qiSSah-e-dair-o-Haram huYe

:Sarwar:! chalo, hai maikadah-e-i'shq saamne
muddat huyee ziyaarat-e-ahl-e-Haram huYe!

غزل