jab zamaane ko hee qaraar naheeN

jab zamaane ko hee qaraar naheeN
shikvah tujh` se nigaah-e-yaar! naheeN

yooN to do din kee zindagaanee hai
HasratoN kaa magar shumaar naheeN!

manzil-e-i'shq mil gayee mujh` ko
hosh hai, ph`ir bh`ee hoshiyaar naheeN

ho chalaa hooN maiN Khud se yooN vaaqif
ab kisee kaa bh`ee intiz^aar naheeN

:aa bh`ee jaa,o keh log kehte haiN
ab ke pehlee see voh bahaar naheeN:

SubH apnee, nah shaam hee apnee
aik lamHeh pah iKhtiyaar naheeN

laakh` dunyaa se maiN hooN sharmindah
haaN magar Khud se sharmsaar naheeN!

kaise Th`ehre gaa bazm meN :Sarwar:?
aik pal to tujh`e qaraar naheeN!

غزل