aarzoo-e-janaab kaun kare?

aarzoo-e-janaab kaun kare?
apnee miTTee Kharaab kaun kare?

baaz aaYe tiree vafaa,oN se
zindagee vaqf-e-Khwaab kaun kare!

ham ne jaatee bahaar dekh`ee hai
e'tibaar-e-shabaab kaun kare?

shikvah-e-bekasee bajaa, lekin
Husn ko aab aab kaun kare!

haar apnee huyee keh tum jeete?
baiTh` kar yeh Hisaab kaun kare!

yaad aataa hai aap kaa kehnaa!
:Khaak, yeh aaftaab, kaun kare?:

furSat-e-aarzoo ho gar, ph`ir bh`ee
zindagee ko a'Zaab kaun kare!

ulfat-o-mehr-o-dostee :Sarwar:!
tujh` se Khaanah-Kharaab! kaun kare?

غزل